ქუთაისის აეროპორტიდან ფრენები 6 ახალი მიმართულებით განხორციელდება

ქუთაისის საერთაშორისო აეროპორტიდან 6 ახალი ავიამიმართულებით ფრენები მიმდინარე წლის 1 აგვისტოდან დაიწყება.

აეროპორტის ინფორმაციით ავიაკომპანია Wizz Air – ბაზელის, კოპენჰაგენის, ბრიუსელის, ტალინის, ეინდჰოვენის და ბარის მიმართულებით მესამე ბაზირებული საჰაერო ხომალდით დაიწყებს ოპერირებას.

კომპანიაში აცხადებენ რომ ისინი მუდმივად მუშაობენ, რომ კიდევ უფრო მეტი ახალი მიმართულება შეთავაზონ მოგზაურებს, რათა მათთვის უფრო მარტივი გახდეს მოგზაურობა ოცნების ქალაქებში.

მოგზაურობის მსურველებს ბილეთების შეძენა შეუძლიათ ვებგვერდზე – https://wizzair.com/ka-ge#/