ზედუბანში საცხოვრებელი სახლი დაიწვა

ტყიბულის მუნიციპალიტეტის სოფელ ზედუბანში ღამით საცხოვრებელი სახლი დაიწვა.

ძლიერი ხანძარის ჩაქრობას რამდენიმე საათის მანძილზე ცდილობდა ტყიბულის,თერჯოლის და ქუთაისის 5 სახანძრო სამაშველო ეკიპაჟი და 17 მეხანძრე მაშველი.

მეხანძრეებთან ერთად ხანძრის სალიკვიდაციო სამუშაოებში ჩართული იყო ადგილობრივი მოსახლეობა.

მაშველებმა შეძლეს ცეცხლის ლოკალიზება და გადაარჩინეს გვერდით 2 საცხოვრებელი სახლი,რომელზეც იყო ხანძრის გადასვლის საშიშროება.

სახანძრო სამაშველო სამუშაოებში ჩართული იყო ტყიბულის პოლიციის სამმარველოს უფროსი და პოლიციის თანამშრომლები.

შემთხვევის ადგილზე მობილიზებული იყო ტყიბულის სასწრაფო სამედიცინო და საპატრულო ეკიპაჟები.

როგორც „ოკრიბანიუს“ საგანგებო სიტუაციების მართვის სამსახურში განუცხადეს, მომხდარზე ძიება სსკ-ს 187-ე მუხლის მე-2 ნაწილით მიმდინარეობს, რაც ნივთის დაზიანებას ან განადგურებას გულისხმობს.