ელიზაბეთ რუდი საქართველო-რუსეთის ომის მე-11 წლისთავს ეხმაურება

აშშ-ს ელჩის მოვალეობის შემრულებელი ელიზაბეთ რუდი საქართველო-რუსეთის ომის მე-11 წლისთავთან დაკავშირებით წეროვანში იმყოფებოდა.

„საქართველოში რუსეთის შემოჭრიდან 11 წლისთავზე თითოეული ეს სახლი გვიყვება ოჯახების, მეგობრების, სახლ-კარისა და საყვარელი ადამიანების დაკარგვის ამბავს. მაგრამ, ამასთანავე, გვიამბობს სიმამაცის, მეგობრობის, უდრეკი ხალხისა და მათი საყვარელი სამშობლოს სიმტკიცის ისტორიას. შეერთებული შტატები სიმაყით აგრძელებს საქართველოს გვერდში დგომას და ზრუნვას იძულებით გადაადგილებულ მოსახლეობაზე, რათა მათ შინ უსაფრთხოდ დაბრუნებამდე ღირსეულად განაგრძონ აქ ცხოვრება” – წერს სოციალურ ქსელში ელიზაბეთ რუდი.